O blog da biblioteca do CPI da Ribeira

Xa é primavera en Torneiros

Aínda non empezou a primavera oficialmente (iso ocorrirá a próxima semana) pero xa estamos a ver os cambios na natureza, que desperta despois dun seco inverno.

Como estamos en época de exames e hai que desconectar un pouco, hoxe traémosvos un fermoso vídeo sobre a chegada da primavera, que agardamos que vos guste, máis un clásico: A primavera, das Catro estacións de Antonio Vivaldi, nunha versión vibrante de Il Giardino Armonico na que se distinguen perfectamente os cantos dos paxaros, a tormenta...




Four from InkyMind on Vimeo.
Four é un tributo á natureza e en particular ó paso das estacións que dá ritmo á vida de tódolos seres e alimenta os desexos e a esperanza.


Four está ambientado nun bosque, un dos lugares que se ve máis influído polos diferenzas de cores e formas dos cambios de estación.

A chegada dunha nova estación descríbese coma un despertar e está representada simbólicamente pola Primavera (unha especie de elfo) que desperta.
(Tradución do texto orixinal que acompaña ó vídeo).








Vivaldi basouse neste soneto (que se pensa que escribíu el mesmo) para compor este concerto:

Chegou a primavera e de contento
as aves saúdana co seu canto,
e as fontes ó son do branco vento
con doce murmurio flúen en tanto.

O aire cubren co seu negro manto
tronos, raios, heraldo do seu advento,
e calándoos logo, aves sen conta
tornan de novo ó seu canoro encanto.

E así sobre o florido ameno prado
entre plantas e fronda murmurante
dorme o pastor ó carón do seu leal can.

De pastoral gaita con son festivo
danzan ninfa e pastor baixo o tellado
brillante na nova primavera.


Ningún comentario: