O blog da biblioteca do CPI da Ribeira

FELICES VACACIÓNS!


  

 De cara ás vacacións deixámosvos aquí unha serie de recomendacións para as vosas lecturas de verán. Esperamos que as disfrutedes.
    Facede clic nas imaxes para poder ver os boletíns de Primaria e Secundaria. Temén podedes descargalos.

https://drive.google.com/file/d/0B-bda1xRnuSAUUNfMjRKWDlEMDA/view?usp=sharing

https://drive.google.com/file/d/0B-bda1xRnuSAY25VWkh4MkUzeWM/view?usp=sharing







   O alumnado de 5º de EP e 4º da ESO do CPI da Ribeira vai inaugurar este luns 19 de xuño ás 20:00 h. a exposición de fotografía “Rostros” na Casa de Cultura do Porriño, resultado do obradoiro realizado co fotógrafo Luís Díaz Díaz.

  A actividade enmárcase dentro do proxecto Fotografía en Curso (Plan Proxecta da Xunta de Galicia) e conta coa colaboración do Concello do Porriño. A través do retrato fotográfico, o alumnado achégase á realidade da súa contorna, intepretándoo desde o seu ollar. 
   O acto de inauguración contará coa presentación da exposición do propio alumnado, da concelleira de Educación do Concello do Porriño e un breve acto musical.
  Este proxecto innovador,coordinado polas profesoras África Álvarez Outerelo (Música ESO), Mar Cuba Taboada (Francés ESO), Mar Lorenzo Núñez (titora de 5º EP) e José Antonio Martínez (Xeografía e Historia ESO) pretende introducir a fotografía nas aulas e permite ao alumnado mellorar a técnica fotográfica, estimular a súa creatividade e espertar afeccións artísticas.
    A exposición, que se poderá visitar do 19 ao 30 de xuño, pon fin a meses de duro traballo no que os rapaces foron transformando a súa mirada e perfeccionando a súa técnica fotográfica. Este traballo favoreceu o desenvolvemento de distintos proxectos interdisciplinares no centro, así como obradoiros de escritura e fotografía, algúns deles impartidos polo propio alumnado

    Como resultado final dos traballos que levaron a cabo os alumnos e alumnas en relación co proxecto de centro "Turismo e fotografía", velaí tedes as imaxes dalgunhas mostras dos lapbooks realizados.












Crean unha base de datos on line sobre xogos tradicionais galegos.

    A recuperación e posta en valor dos xogos tradicionais galegos. Ese é o obxectivo da plataforma colaborativa Patimonio Lúdico Galego. Trátase dunha base de datos en liña na que se recollen documentos, museos, xogos e publicacións relacionadas con este patrimonio.
    A web xogospopulares.gal inclúe uns douscentos recursos que recopilaron durante dous anos coa axuda de persoas vencelladas ao mundo do xogo tradicional, como artesáns, investigadores e colectivos da Asociación Galega de Xogo Popular e Tradicional.
    Este novo portal recolle, entre outra información, datos sobre os lugares nos que se pode adquirir o equipamento para practicar estes xogos, ademais de dispoñer dun servizo de préstamo bibliográfico e documental. ( La Voz de Galicia 17 de xuño de 2017).
    Preme na imaxe para ir ao enlace da páxina.

http://xogostradicionais.gal/



OS XOGOS
http://enredoscampolongo.blogspot.com.es/

http://brinquedia.net/web/wp-content/uploads/2013/05/Xogos-Encontro.pdf


Día Mundial do Medio Ambiente

    Hoxe, 5 de xuño, celébrase o Día Mundial do Medio Ambiente. 
    Preme na imaxe para acceder ao diario El País e ver a galería de fotografías nas que a natureza é a auténtica protagonista.

http://elpais.com/elpais/2016/06/02/album-02/1464899382_095314.html

Foto Voz de Galicia
Os mundos de Carlos Casares, exposición central das Letras Galegas 2017, chega hoxe á capital de Galicia, onde se poderá ver ata o vindeiro 25 de xuño na Zona “C”.

Cinco espazos metafóricos diferenciados, pero permeables grazas a unha coidada montaxe fundamentada na transparencia, que permiten debuxar escenas e activar experiencias sociais, políticas, educativas e artísticas. A cartografía resultante devolve unha imaxe que aspira a ser completada polo público; unha viaxe de ida e volta, circular, que convida a revisitar a escena cultural galega nas cinco últimas décadas, recuperando unha visión do escritor e dos seus lugares que aspira a conectar coas xeracións máis novas.

Compartindo lecturas e paisaxes

    
     O martes 23 de maio puidemos reunirnos varios colexios no Parque de Castrelos para gozar da lectura en galego. Alí estivemos cos compañeiros e os alumnos e alumnas do CEIP Frián - Teis, o Pombal, o Carrasqueira, o Ría de Vigo, o Emilia Pardo Bazán, o  CEIP Eduardo Pondal, o CEIP A Doblada, o CEIP Fleming, o CEIP Chans Bembrive, o CEIP Balaidos e  o noso centro que participou por segundo ano consecutivo. Levamos un grupo de 4º de Primaria e dous de 3º de Primaria.

      Foron tres horas de compartir lecturas, merenda e contos nun entorno único. 

    Para rematar a xornada, escoitamos os marabillosos contos de Bea Campos, as  palabras do Alcalde de Vigo,Abel Caballero, e a canción que xa se está a convertir no himno destas xornadas: O libro máxico, de Migallas.

     Todo isto foi posible grazas á coordinación do Servizo de Normalización Lingüística do Concello de Vigo (capitaneado por Marta Souto), da Biblioteca de Proximidade Xosé Neira Vilas (con Anxo Alberte, o seu director, á cabeza) e de Antonio Fernández (IES Carlos Casares) e á colaboración dos mestres e mestras dos centros participantes.