RADIO NA BIBLIO.

 PRIMEIRO PROGRAMA!

O venres 22 de marzo gravamos o primeiro programa na nosa radio sobre o deporte, no cal alumnado de 5º de educación Primaria  entrevistou  e falou con diversos usuari@s do centro de día de Torneiros. Así, durante algo máis dunha hora intercambiaron pareceres, á vez que os novos aprenderon un montón. Que interesante foi! Repetiremos á volta das vacacións.

LECTURAS DE PRIMAVERA.

 PARA LER NAS VACACIÓNS...

Como cada trimestre deixámosvos o boletín Leria de lecturas recomendadas para que desfrutedes nas vacacións. Lembrade que Para viaxar lonxe, non hai mellor nave que un libro (Emily Dickinson).

DÍA DA POESÍA.

 UN RECITAL POR TODO O ALTO!

Coincidindo co inicio da estación da primavera, o noso alumnado xunto co da ACEESCA e do Antonio Palacios ten participado nun recital de poesía no parque Alba de Torneiros. Así, nenos e nenas de diversos cursos dos tres centros citados teñen amosado a súa creatividade coas poesías que teñen recitado. Uns futuros literatos sen dúbida!

MALETA VIAXEIRA CFR DE VIGO.

 MUNDO ACUÁTICO E CAMBIO CLIMÁTICO...

Temos feito rular a última maleta viaxeira do CFR de vigo que versou sobre mundo acuático e cambio climático. a maleta tivo unha gran acollida entre o alumnado! aquí o podedes ver:

BIBLIOTECA CREATIVA.

Segunda RONDA!

A maleta de biblio creativa ten iniciado a segunda ronda polas aulas de Educación Infantil e segue tendo un gran éxito... Aquí tendes unha mostra:

CLUB DE LECTURA.

Terceiro DE PRIMARIA E RUBICUNDO...

O alumnado de 3º de Primaria estivo lendo e preparando unha exposición sobre o libro "Rubicundo". Así, prepararoon tarxetas visuais co resumo que fixeran do libro e conseguiron facer unhas exposicións moi interesantes...

Aquí tendes unha mostra:

.

LECTURA E FAMILIAS.

 RIBECÓMIC CONCLUÍDO!

A primeira actividade do programa "Lectura e Familias" foi todo un éxito. Así, todas as clases teñen participado con axuda das familias teñen participado na elaboración de diferentes cómics elaborados polos nenos/as e as súas familias. Os Ribecómics están pegados por todas as paredes dos corredores do cole. Que ben quedaron! 

Aquí tendes unha mostra...

CLUB DE LECTURA.

 ANIMALADAS NA AULA DE 5 ANOS!

A aula de 5 anos estivo traballando co conto "Animaladas" e o alumnado fixo unha serie de actividades enmarcadas dentro do programa Club de lectura. Que ben o pasaron!

DÍA INTERNACIONAL DA MULLER.

UN MURO POLO 8M...

Con motivo da celebración do Día Internacional da Muller, desde o equipo de Dinamización da Lingua Galega tense proposto a elaboración dun muro do que cada clase elaborase un ladrillo no que resumise información dunha muller galega destacada. Mesmo se teñen realizado algunhas exposicións orais!
O muro representa os obstáculos que as mulleres tiveron e, desgrazadamente, seguen tendo na actualidade na loita pola igualdade cos homes.
Velaquí tendes o resultado...

SEMANA DA PRENSA.

 O RIBEDIARIO DE TORNEIROS

Con motivo da conmemoración da Semana da Prensa,  todos os nenos/as do cole, xunto cos seus titores/as e especialistas teñen elaborado diversas noticias que logo foron incluídas nun xornal que amosamos a continuación O resultado foi ben interesante...

CLUB DE LECTURA.

UN KAMISHIBAI DE "O CAZO DE LORENZO".

A clase de 2º de Educación Primaria ten preparado e representado un kamishibai do conto "O cazo de Lorenzo" de Isabelle Carrier, a todas as clases do cole. Tod@s desfrutamos do seu esforzo. Aquí tendes unha mostra:

E un vídeo ilustrativo...