28/04/16

E de novo... apadriñamentos lectores!

O pasado venres 22 de abril tivo lugar unha das actividades máis entrañables que se realizan todos os anos no noso centro: o apadriñamento lector.
Xa sabedes que consiste na lectura dun conto por parte das alumnas e alumnos maiores do centro aos pequenos de Infantil e Primeiro de Primaria.
Todos, padriños e afillados, disfrutan moito deste rato de lecer que ten como punto de unión a lectura.
Observade nas fotos o ben que o pasaron.

25/04/16

Máis actividades na biblio!

En días pasados, a nosa biblioteca foi escenario dunha conferencia que difundiu entre o noso alumnado a importancia que ten o feito de seren responsables en todo o que se refire á utilización de Internet. Faláronnos dos riscos que poden xurdir a cada paso nas redes sociais, nos chats ... e tamén da maneira de protexernos e de aumentar a nosa seguridade ante eles.



A charla "Navega con rumbo" amosounos valiosas ferramentas para usar os ordenadores minimizando as situacións de perigo que se poden producir.

Por outra banda os nosos alumnos e alumnas, na charla "Mediterraneamos", recibiron información sobre a importancia da boa alimentación, especialmente a que ten como base a dieta mediterránea, considerada hoxe coma unha importante fonte de saúde.
Como podedes ver nas fotos, todos e todas pasárono en grande confeccionando algúns pratos sans e ao final mesmo moveron un pouco o esqueleto para lembrarlles a importancia que o exercicio ten, xunto coa dieta, nunha vida saudable.

18/04/16

Día do Libro 2016

http://www.un.org/es/events/bookday/2016/unesco_message2016.shtmlComo estamos xa na semana do 18 ao 22 de abril, dende a biblioteca e co gallo do Día do Libro estamos a preparar actividades como o apadriñamento lector ou as lecturas cruzadas. Como xa sabedes doutros anos, moitas nenas e nenos da ESO ofrécense voluntariamente para "apadriñar" ao alumnado de Educación Infantil e 1º de Primaria no que á lectura se refire. Así que, durante algunhas sesións do vindeiro venres 22 de abril, os maiores lerán contos aos peques do cole. De seguro o farán de maravilla!

"Non hai nada coma un libro. Un libro é un vínculo entre o pasado e o futuro. É unha ponte entre xeracións e entre culturas. É unha forza para crear e compartir a sabedoría e o coñecemento"
Irina Bokova            
http://www.un.org/es/events/bookday/2016/unesco_message2016.shtml 
Preme na imaxe para ver a mensaxe de Irina Bokova, Directora Xeral da UNESCO, con motivo do Día Mundial dol Libro e do Dereito de Autor.

06/04/16

Primeiros Xogos Olímpicos modernos: de Grecia a Río

O día 6 de abril de 1896, luns de Pascua, inaugurábanse en Atenas os primeiros Xogos Olímpicos modernos e hoxe Google  ríndelle homenaxe a esta data.

Preme na imaxe para ler a nova

 
https://www.google.es/search?site=webhp&q=Primeiros+Xogos+Ol%C3%ADmpicos+modernos&oi=ddle&ct=120th-anniversary-of-first-modern-olympic-games-6314245085986816-hp&hl=gl&sa=X&ved=0ahUKEwj_78Oy8PrLAhVBOxQKHTiGAnAQNggD&biw=1067&bih=533&dpr=1.2
Para saber máis

03/04/16

Pérez-Reverte, Marías e outros escritores crean a web literaria Zenda

Convencidos de que "o futuro está na internet e nas redes sociais", un grupo de escritores e escritoras de España e Latinoamérica veñen de crear Zenda, unha web literaria independente ou, como a define Arturo Pérez-Reverte, o seu editor e cofundador, "un territorio de libros, amigos e aventura".
Esta nova web comeza a súa andadura o día 6 de abril na dirección zendalibros.com

02/04/16

Día Mundial de Concienciación sobre o Autismo - 2 de abril


«Neste Día Mundial de Concienciación sobre o Autismo, insto a que se promovan os dereitos das persoas con autismo e se asegure a súa plena participación e inclusión, como membros valiosos da nosa tan diversa familia humana, para que poidan contribuir a crear un futuro de dignidade e oportunidade para todos.»
Mensaxe do Secretario Xeral da ONU, Ban Ki-moon con motivo do Día Mundial de Concienciación sobre o Autismo, 2 de abril de 2016
Ler máis

01/04/16

23 Días 'de libro'

Campaña para conmemorar o día mundial do libro
 
    O Observatorio da Lectura e do Libro do Ministerio de Educación, Cultura e Deporte lanza unha nova campaña que incide na importancia dos libros e que quere contribuir á conmemoración do Día Mundial do Libro o 23 de abril.
    Podes acceder a toda a información aquí.