QUEDADA LITERARIA

APADRIÑAMENTOS

LECTURAS CRUZADAS

Compartindo lecturas e paisaxes

    

     O martes 23 de maio puidemos reunirnos varios colexios no Parque de Castrelos para gozar da lectura en galego. Alí estivemos cos compañeiros e os alumnos e alumnas do CEIP Frián - Teis, o Pombal, o Carrasqueira, o Ría de Vigo, o Emilia Pardo Bazán, o  CEIP Eduardo Pondal, o CEIP A Doblada, o CEIP Fleming, o CEIP Chans Bembrive, o CEIP Balaidos e  o noso centro que participou por segundo ano consecutivo. Levamos un grupo de 4º de Primaria e dous de 3º de Primaria.

      Foron tres horas de compartir lecturas, merenda e contos nun entorno único. 

    Para rematar a xornada, escoitamos os marabillosos contos de Bea Campos, as  palabras do Alcalde de Vigo,Abel Caballero, e a canción que xa se está a convertir no himno destas xornadas: O libro máxico, de Migallas.

     Todo isto foi posible grazas á coordinación do Servizo de Normalización Lingüística do Concello de Vigo (capitaneado por Marta Souto), da Biblioteca de Proximidade Xosé Neira Vilas (con Anxo Alberte, o seu director, á cabeza) e de Antonio Fernández (IES Carlos Casares) e á colaboración dos mestres e mestras dos centros participantes.

Apadriñamentos lectores 2017

 
     Xunto coas lecturas cruzadas das que falamos na entrada anterior, os nosos pequenos disfrutan moito doutra actividade xa tradicional na biblioteca: os apadriñamentos lectores.

    Animar á lectura e fomentar as relacións entre os maiores e os cativos de infantil ou primaria, os apadriñados,  son os principais obxectivos desta entrañable actividade. Nela intercámbianse regaliños e lense contos aos pequenos. Por todo o patio de recreo espállanse as parellas arredor dos libros, o que resulta moi fermoso de ver.

    Ao rematar as lecturas, todos volven ás súas aulas cun sorriso e valoran como moi positiva a experiencia.

Lecturas cruzadas

   Como vén sendo habitual no noso centro, nos meses de abril ou maio celebramos as tradicionais "lecturas cruzadas".  Alumnado de todos os cursos preparan lecturas ou exposicións orais relacionadas co proxecto de centro. Posteriormente, os nenos e nenas pequenos achéganse ás clases dos maiores e viceversa, os dos cursos da ESO visitan aos de primaria. É unha actividade que sempre esperamos con ilusión e agarimo.

    A continuación podedes ver unha pequena mostra en fotos.

Preme AQUÍ para ver máis fotos

Razóns científicas para ler máis do que lemos

A lectura e un dos mellores exercicios posibles para manter en forma o cerebro e as capacidades mentais. É así porque a actividade de ler require poñer en xogo un importante número de procesos mentais, entre os que destacan a percepción, a memoria e o razoamento. Cando lemos activamos preferentemente o hemisferio esquerdo do cerebro, que é o da linguaxe e o máis dotado de capacidades analíticas na meirande parte das persoas, pero son moitas máis as áreas cerebrais de ámbolos dous hemisferios que se activan e interveñen no proceso. […] Está comprobado que a activación regular desa parte do cerebro fomenta no só a capacidade de razoar, senón tamén, en certa medida, a intelixencia das persoas.

                                                                             

 Ignacio Morgado Bernal       El País - 16/01/2017

Ler máis        

LIBROS RECOMENDADOS PARA O VERÁN

Co gallo do remate deste curso 2015-2016 non queremos deixar pasar a ocasión  de recomendarvos algunhas lecturas de cara ao verán, xa que é unha época estupenda para poñernos ao día das últimas novedades e ler, ler, ler... Esperamos que vos sexan útiles.

 EDUCACIÓN SECUNDARIA OBRIGATORIA (1º e 2º)

 CARIDE, Ramón: A negrura do mar, Xerais, Merlín.
Nova entrega das aventuras de Said e Sheila, os dous irmáns da época futura, os personaxes creados por Ramón Caride en Perigo vexetal, que tiveron novas entregas en Ameaza na Antártida e O futuro roubado.




-CAJARAVILLE, Héctor: Quen dá a quenda?, Xerais, Merlín.
A meiga Divina, coa axuda dos seus libros de conxuros consegue que todos os seus pacientes marchen cun remedio acaído para os seus males.




-ELIACER CANSINO, Macías: El chico de las manos azules, Bruño.
Con pingas de pintura azul nas mans,  Franz chega casualmente a España xunto a Illia, fuxindo do horror da guerra desatada no seu país de orixe.  Agárdalles  unha terra descoñecida, e non é doado adaptarse.



-PARMENTIER, Fahim Xavier: El rey de Bengala, Grijalvo.
Novela baseada en feitos reais que conta a epopea de Fahim, un neno de oito anos, inmigrante en Francia, que consigue saír adiante grazas a ser un prodixio do xadrez. O propio cativo escribe a súa historia.



-SORELA, Pedro: Los malos en Matemáticas son invisibles, Obradoiro.
Andrés, un adolescente,  parece non existir no seu novo colexio. Os compañeiros e os profes, sobre todo o de matemáticas, non se decatan da súa presenza. Entón comeza a preocuparse e a facerse una pregunta: É que se volveu invisible?

EDUCACIÓN SECUNDARIA OBRIGATORIA (3º e 4º)

-VILA SEXTO, Carlos: O enigma de Caronte, Galaxia, Costa Oeste.
O último verán que Dani e os seus amigos van pasar xuntos en Cabo Lázaro vén marcado pola morte accidental de Marcos, un compañeiro de clase.


-DÍAZ NÚÑEZ, Celia: A boca do monte, Galaxia, Costa Oeste.
É unha historia sobre a nosa historia, sobre os nosos devanceiros que foron esmagados por un imperio, o romano, ao que pouco lle importaban as xentes de Galicia máis que como man de obra á que escravizar.


-BLUE JEANS: Algo tan sencillo como darte un beso, Planeta.
Tras das vacacións de Nadal, os adolescentes do corredor 1B voltan á residencia Benjamin Franklin. Pero non están todos, falta Nicole… Ela desexa regresar  pero a súa familia non quere nin escoitar falar diso.



-MARTÍNEZ, Elena: Bajo el paraguas azul, Nowevolution.
Sabes en canto tempo se pode arruinar a vida dunha persoa? En dous segundos, o que se tarda en compartir unha foto por WhatsApp. Ti o sabes, déronche charlas sobre cyberbullying, a ti endexamais  che pasaría, xa estamos cos rollos de sempre, verdade? Iso é o mesmo que pensaba Glauca.



-YOUSAFZA, Malala/ MCCORMICK, Patric: Malala, mi historia, Seix Barral.
Malala Yousafzai só tiña dez años cando os talibáns se apoderaron da súa rexión. Dicían que a música era pecado. Dicían que as mulleres non debían ir ao mercado. Dicían que as nenas no debían ir ao colexio...

FAMILIAS E ADULTOS

 

-NÚÑEZ SINGALA, Manuel: Camiños na auga, Galaxia.

Novela de iniciación situada na África poscolonial. O protagonista busca a liberdade a través dunha viaxe iniciática.

-REIMÓNDEZ, María: A dúbida, Xerais.

Unha muller é sorprendida pola chegada da policía á súa casa para deter o seu home, un político, por un presunto delito de abusos sexuais de menores. Este feito provoca o conflito psicolóxico desa muller que empeza a dubidar se coñecía realmente ao home.

-HANNAH, Kristin: El ruiseñor, Suma.

Dúas irmás buscan o seu propio camiño hacia a supervivencia, o amor e a liberdade na    Francia ocupada durante a 2ª Guerra Mundial.

-POSTEGUILLO, Santiago: La legión perdida. El sueño de Trajano, Planeta.

O ansiado desenlace da triloxía de Traxano.

Este emprende a maior campaña militar de Roma cara a vitoria ou cara ao desastre.     Intrigas, batallas, Césares e unha emperatriz entrecrúzanse neste relato épico do  mundo antigo. 

-MONTERO, Rosa: La ridícula idea de no volver a verte, Seix Barral.

Unha  homenaxe ás mulleres que como Marie Curie enfrontáronse ao seu entorno por levar adiante aquilo no que crían nunha sociedade que as ignoraba pola súa condición feminina.

-LINDO, Elvira: Noches sin dormir. Último invierno en Nueva York, Seix Barral.

Un libro ilustrado con fotografías da propia autora que evocan a atracción e tamén a crueza dunha cidade mítica. Un libro lucidamente inspirado por noites de insomnio creativo.