O blog da biblioteca do CPI da Ribeira

Bo Nadal!


    Aquí vos deixamos os boletíns Leria de Primaria e de Secundaria con ideas e recomendacións de lecturas para estes días de lecer.
    Animádevos a ler e felices vacacións!



https://drive.google.com/file/d/0B-bda1xRnuSAcmVVYTFkTVg5Mk0/view?usp=sharing

https://drive.google.com/file/d/0B-bda1xRnuSAUV9OSlBoTjYyLTQ/view?usp=sharing

Nadal no Gaiás 2016

    
http://www.cidadedacultura.gal/gl/evento/nadal-no-gaias-2016

    

    Este Nadal víveo ao ritmo do Gaiás! Entre o 23 de decembro e o 4 de xaneiro, a Cidade da Cultura ofrece un programa de actividades para pasar estas datas en familia rodeados de música, creatividade e moita diversión.

Para saber máis, preme na imaxe.

Ocorrencias


Por que os libros teñen forma de porta? 
Autor: Liniers

Os aromas do libro
Leyendo se entiende la gente
Biblioteca da Universidade de Navarra


Como previr a violencia de xénero

 

Educar aos nenos e nenas, desde as idades máis temperás, nunha cultura centrada na resolución pacífica de conflitos, fomentar a empatía e desenvolver unha autoestima equilibrada, son principios que favorecen a desaparición dos prexuízos de xénero que se dan xa desde a escola.

Eliminar ao máximo os estereotipos transmitidos pola cultura patriarcal; polo tanto, ensinar a ‘ser persoa’ en lugar de ensinar a "ser home" ou a "ser muller" e así desterrar mitos como que a agresividade é un trazo masculino, ou pola contra,  a submisión, o silencio, a obediencia… son trazos femininos, son obxectivos da coeducación.

 

 

Ademais, débese:

  • Evitar todo menosprezo cara aqueles rapaces ou homes que non se adaptan ao modelo de masculinidade dominante.
  • Evitar todo menosprezo cara aquelas rapazas ou mulleres que non se axeitan ao modelo de feminidade dominante.
  • Ensinarlles aos nenos e aos homes a incorporar nas súas vidas as vivencias e expresión dos propios sentimentos e emocións que enriquecen as súas relacións persoais e así favorecer a resolución de conflitos sen recorrer a comportamentos violentos, por medio do diálogo, o acordo, a negociación…
  • Desenvolver unha boa autoestima que capacite  a nenas e nenos para adoptar unha actitude resolta ante a vida e os seus retos, asumir responsabilidades e enfrontarse con seguridade aos problemas.
http://igualdade.xunta.gal/gl/content/que-e-violencia-de-xenero-0
                         Preme para saber máis  --->
Mans dos nosos nenos e nenas unidas contra a violencia

Aquí están os gañadores do concurso de debuxos e relatos de medo que se propuxeron este curso a principios do mes de novembro.

Noraboa aos gañadores e participantes!




Falamos de Camerún

A semana pasada recibimos a visita de Samuel. A súa presenza encheu de cor e de exotismo a nosa biblioteca.

Contounos cousas do seu país natal, Camerún. Aprendimos algo de África e das súas linguas e pobos. Amosounos obxectos artesáns do seu país... Pero o mellor foi que nos fixo participar a todos nos relatos que lembraba da tradición oral dos seus antepasados.

Contounos como, no seu pobo, todas as noites os nenos e nenas se xuntaban arredor dunha fogueira e como o avó, ao que respectaban moito, lles ensinaba a través dos contos a seren mellores persoas.

Agradecémoslle moito a súa colaboración e simpatía.
Quizais algún día poida voltar e contarnos outras historias.
Aquí o esperamos!





Novembro: MES DA CIENCIA 2016



Desde a Consellería de Cultura, Educación e Ordenación Universitaria vaise impulsar a celebración anual do mes de novembro como MES DA CIENCIA EN GALEGO NAS BIBLIOTECAS.

Di "NON" ao acoso escolar

Mercadiño de libros

Aquí vos quedan unhas imaxes do mercadiño de libros celebrado este outono na nosa biblioteca.
Os peques de Primaria disfrutaron moito coa actividade.





Gracias a todos e a todas por participar!

Mochilas viaxeiras

   Proximamente teredes á vosa disposición as mochilas viaxeiras que están a preparar os responsables do equipo da biblioteca.
    Este curso serán máis viaxeiras ca nunca, xa que o proxecto do noso centro  é, como xa dixemos outras veces, "Turismo e fotografía".
    Así que irán cheas de libros, de publicacións e de películas nos que este tema será o protagonista.
    Esperamos que vos sirvan para aprender moito a través das súas páxinas e das súas imaxes.
    Boa viaxe!


    Aquí tedes, un ano máis, o cartel que nos lembra que por estas datas, xa rematado o Samaín, temos que adicar un tempiño a facer debuxos ou historias de medo.
     Xa sabedes que aqueles traballos que teñan máis orixinalidade e que estean ben presentados, van ter premio.
    Animádevos a participar!



  A semana pasada o alumnado de Primaria e ESO asistiu na Biblioteca a unha interesante charla sobre Islandia, na que a profesora Cristina González nos quixo amosar moitas das súas vivencias a través das fermosas fotografías que obtivo este verán durante a súa viaxe a este descoñecido país.

 
Co seu entusiasmo e as súas palabras foi quen de nos achegar á cultura, á forma de vida e ás paisaxes dun lugar que, como ela dixo, hai que visitar algunha vez na vida. Así aprendimos cousas da sociedade, da xeografía, da política, da economía... Soubemos da existencia dos "hot pots", coñecimos que neste lugar case que non hai delincuencia, e descubrimos que os islandeses cren nos "trolls"! Ademáis falounos de que alí hai unha luz e unhas cores case máxicas e de que, no verán, o día é moi longo, moi longo... Vamos, que todos quedamos con ganas de viaxar... e de aprender inglés!!

     Moitas gracias, profe Cristina, por ensinarnos tantas cousas... Pero sobre todo por facernos pensar que unha das formas mais doadas de aprender disfrutando é viaxar.

 



DÍA DAS BIBLIOTECAS ESCOLARES

   

O vindeiro luns 24 de outubro celebraremos o día das bibliotecas escolares.

   Lembrámosvos que este curso o noso proxecto de centro é “Turismo e fotografía” e para esta celebración  contamos  coa colaboración da profesora Cristina González que fará unha presentación da viaxe que realizou este verán a Islandia. Dende aquí agradecemos de antemán a súa disponibilidade para amosarnos a beleza dunhas paisaxes únicas.

   Asemade,  arredor da unha da tarde celebraremos o noso tradicional mercadiño de libros que tanto éxito ten entre o noso alumnado. Animádevos a participar un ano mais!

   
Esta película de fantasía e aventuras, do aclamado director Tim Burton baséase nunha traxedia familiar que leva a Jacob, de 16 anos, a viaxar pola costa de Gales, onde descubre as ruínas do fogar para nenos especiais de Miss Peregrine. Mentres explora as desvencelladas habitacións e corredores, decátase de que os rapaces que viviron alí (un deles foi o seu avó) eran excepcionais. Quizais eran perigosos, quizais había unha boa razón para poñelos en coarentena nunha illa deserta; mesmo podería suceder que aínda estiveran vivos.

Non recomendada para menores de doce anos.





“Beber soños coma quen bebe auga” 
 
    Esta frase de Álvaro Cunqueiro, que tanto lle gustaba a Agustín Fernández Paz e que tan ben o representaba, lémbranos  ao gran escritor galego que nos deixou este verán.
    El fixo da imaxinación a súa ferramenta de traballo e  deixou en innumerables xoves e maiores  a fonda pegada da sensibilidade que derramou en tantas e tantas historias, en tantos e tantos libros que, por sorte,  nos deixou. 
    Era un traballador das letras incansable e publícase agora, na Editorial Edebé, un dos últimos libros que deixou rematados antes de morrer, A casa do medo

    Para saber máis preme aquí.

    Para lembrar as súas obras preme aquí.

Hora de ler

https://drive.google.com/open?id=0B-bda1xRnuSAQWJXb1h0UHNlX2M

    Aquí vos deixamos o horario de lectura deste ano. Si o queredes descargar, facede clic nel.

    Xa sabedes que todos os días imos poñer música á hora da lectura. Podedes traer da casa os vosos libros favoritos, intercambialos con outros compañeiros ou mesmo coller as lecturas que prefirades das bibliotecas de aula ou do centro. Sempre atoparedes algo interesante co que disfrutar lendo.


A lectura, unha porta aberta a un mundo encantado
                                                          François Mauriac


     Benvidos un ano máis á biblioteca do CPI da Ribeira. A nosa biblioteca!

     Este curso, o noso proxecto de centro será "TURISMO E FOTOGRAFÍA". Como o seu nome indica, imos traballar en todo o relacionado coas distintas maneiras de viaxar e de coñecer o mundo. Tentaremos facer moitas actividades divertidas e tamén aprender.
Así que non esquezades as cámaras fotográficas, os libros e, sobre todo... a ilusión!
Comezamos a nosa viaxe!

Felices vacacións!


A exposición foi inaugurada pola concelleira de educación, Lourdes Moure, quen -nunha breve elocución- esbozou cunhas cantas pinceladas as características da parroquia de Torneiros: a orixe do seu nome, a importancia en canto ao número de veciños, os barrios que a compoñen, os centros escolares dos que dispón e unhas referencias sociolóxicas sobre a xente que vive nesta zona.
A continuación as alumnas de 4º de PDC interpretaron unha composición musical creada por elas mesmas, "As pingas de auga"
Por último Zoe e Álex nos deleitaron con dous discursos incribles, intensos e emotivos que vos poñemos de seguido e que nos emocionaron a todos e convertiron a tarde do venres nun momento máxico.




Aquí podedes ver algúns momentos do acto de inauguración:




http://www.farodevigo.es/comarcas/2016/06/17/ollos-torneiros/1481625.html

Preme na imaxe para ver a noticia no Faro de Vigo

LIBROS RECOMENDADOS PARA O VERÁN



Co gallo do remate deste curso 2015-2016 non queremos deixar pasar a ocasión  de recomendarvos algunhas lecturas de cara ao verán, xa que é unha época estupenda para poñernos ao día das últimas novedades e ler, ler, ler... Esperamos que vos sexan útiles.



 EDUCACIÓN SECUNDARIA OBRIGATORIA (1º e 2º)

 CARIDE, Ramón: A negrura do mar, Xerais, Merlín.
Nova entrega das aventuras de Said e Sheila, os dous irmáns da época futura, os personaxes creados por Ramón Caride en Perigo vexetal, que tiveron novas entregas en Ameaza na Antártida e O futuro roubado.




-CAJARAVILLE, Héctor: Quen dá a quenda?, Xerais, Merlín.
A meiga Divina, coa axuda dos seus libros de conxuros consegue que todos os seus pacientes marchen cun remedio acaído para os seus males.




-ELIACER CANSINO, Macías: El chico de las manos azules, Bruño.
Con pingas de pintura azul nas mans,  Franz chega casualmente a España xunto a Illia, fuxindo do horror da guerra desatada no seu país de orixe.  Agárdalles  unha terra descoñecida, e non é doado adaptarse.



-PARMENTIER, Fahim Xavier: El rey de Bengala, Grijalvo.
Novela baseada en feitos reais que conta a epopea de Fahim, un neno de oito anos, inmigrante en Francia, que consigue saír adiante grazas a ser un prodixio do xadrez. O propio cativo escribe a súa historia.



-SORELA, Pedro: Los malos en Matemáticas son invisibles, Obradoiro.
Andrés, un adolescente,  parece non existir no seu novo colexio. Os compañeiros e os profes, sobre todo o de matemáticas, non se decatan da súa presenza. Entón comeza a preocuparse e a facerse una pregunta: É que se volveu invisible?



EDUCACIÓN SECUNDARIA OBRIGATORIA (3º e 4º)

-VILA SEXTO, Carlos: O enigma de Caronte, Galaxia, Costa Oeste.
O último verán que Dani e os seus amigos van pasar xuntos en Cabo Lázaro vén marcado pola morte accidental de Marcos, un compañeiro de clase.


-DÍAZ NÚÑEZ, Celia: A boca do monte, Galaxia, Costa Oeste.
É unha historia sobre a nosa historia, sobre os nosos devanceiros que foron esmagados por un imperio, o romano, ao que pouco lle importaban as xentes de Galicia máis que como man de obra á que escravizar.


-BLUE JEANS: Algo tan sencillo como darte un beso, Planeta.
Tras das vacacións de Nadal, os adolescentes do corredor 1B voltan á residencia Benjamin Franklin. Pero non están todos, falta Nicole… Ela desexa regresar  pero a súa familia non quere nin escoitar falar diso.



-MARTÍNEZ, Elena: Bajo el paraguas azul, Nowevolution.
Sabes en canto tempo se pode arruinar a vida dunha persoa? En dous segundos, o que se tarda en compartir unha foto por WhatsApp. Ti o sabes, déronche charlas sobre cyberbullying, a ti endexamais  che pasaría, xa estamos cos rollos de sempre, verdade? Iso é o mesmo que pensaba Glauca.



-YOUSAFZA, Malala/ MCCORMICK, Patric: Malala, mi historia, Seix Barral.
Malala Yousafzai só tiña dez años cando os talibáns se apoderaron da súa rexión. Dicían que a música era pecado. Dicían que as mulleres non debían ir ao mercado. Dicían que as nenas no debían ir ao colexio...

FAMILIAS E ADULTOS
 
-NÚÑEZ SINGALA, Manuel: Camiños na auga, Galaxia.
Novela de iniciación situada na África poscolonial. O protagonista busca a liberdade a través dunha viaxe iniciática.





-REIMÓNDEZ, María: A dúbida, Xerais.
Unha muller é sorprendida pola chegada da policía á súa casa para deter o seu home, un político, por un presunto delito de abusos sexuais de menores. Este feito provoca o conflito psicolóxico desa muller que empeza a dubidar se coñecía realmente ao home.




-HANNAH, Kristin: El ruiseñor, Suma.
Dúas irmás buscan o seu propio camiño hacia a supervivencia, o amor e a liberdade na    Francia ocupada durante a 2ª Guerra Mundial.



-POSTEGUILLO, Santiago: La legión perdida. El sueño de Trajano, Planeta.
O ansiado desenlace da triloxía de Traxano.
Este emprende a maior campaña militar de Roma cara a vitoria ou cara ao desastre.     Intrigas, batallas, Césares e unha emperatriz entrecrúzanse neste relato épico do  mundo antigo. 



-MONTERO, Rosa: La ridícula idea de no volver a verte, Seix Barral.
Unha  homenaxe ás mulleres que como Marie Curie enfrontáronse ao seu entorno por levar adiante aquilo no que crían nunha sociedade que as ignoraba pola súa condición feminina.




-LINDO, Elvira: Noches sin dormir. Último invierno en Nueva York, Seix Barral.
Un libro ilustrado con fotografías da propia autora que evocan a atracción e tamén a crueza dunha cidade mítica. Un libro lucidamente inspirado por noites de insomnio creativo.