O blog da biblioteca do CPI da Ribeira

O blog

Osquelemos é o blog da biblioteca do CPI da Ribeira, pero está enfocado principalmente ó alumnado de secundaria, ás familias en xeral e ó profesorado. Como non queremos que estea todo mesturado, está dividido en tres seccións principais:

  • OSQUELEMOS: esta é a parte do blog que máis se actualiza (intentamos que teña unha entrada diaria de luns a venres) e está dirixida a toda a comunidade educativa. Igual que na biblioteca, aquí atoparedes noticias, humor, novidades literarias, cousas para ler, música, vídeos, etc. Tod@s estades convidados a participar redactando entradas (que podedes enviar ó noso correo: biblio.cpi.ribeira@gmail.com), aportando enlaces interesantes, escribindo comentarios ás entradas (debaixo de cada título veredes o número de comentarios que ten a entrada, e facendo clic nese número podedes escribir o voso comentario) ou de calqueira xeito que se vos ocurra. Ademais non nos viría mal algo de axuda! Por comodidade, podedes subscribirvos ás entradas para que vos cheguen directamente ó voso lector de novas (Google, Yahoo, Netvibes, Atom e algún outro) ou ó voso navegador.
  • FAMILIAS QUE LEN: esta sección contén artigos e enlaces de interese para as familias sobre educación, lectura, fracaso escolar e outros temas similares. Procuraremos actualizala unha ou dúas veces á semana. Está un pouco agochada pero podedes chegar a ela escribindo familiasquelen.blogspot.com no voso navegador ou ben facendo clic no enlace Para familias na páxina inicial de osquelemos (está no menú superior, na parte verde escura). Tod@s estades convidados a participar redactando entradas (que podedes enviar ó noso correo: biblio.cpi.ribeira@gmail.com), aportando enlaces interesantes, escribindo comentarios ás entradas (debaixo de cada título veredes o número de comentarios que ten a entrada, e facendo clic nese número podedes escribir o voso comentario) ou de calqueira xeito que se vos ocurra. Por comodidade, podedes subscribirvos ás entradas para que vos cheguen directamente ó voso lector de novas (Google, Yahoo, Netvibes, Atom e algún outro) ou ó voso navegador.
  • PROFES QUE LEN: aquí publicamos información que nos parece interesante para o profesorado (unidades didácticas, artigos sobre educación e ensino, titoriais sobre novas tecnoloxías, etc.). Non podemos garantizar un fluxo continuo de entradas porque dependerá sobre todo de que aparezan cousas dignas de publicar, así que a nosa recomendación é que vos subscribades para lelo no voso lector de novas (con Google, Yahoo, Netvibes, Atom, etc.) ou no navegador. Tod@s estades convidados a participar redactando entradas (que podedes enviar ó noso correo: biblio.cpi.ribeira@gmail.com), aportando enlaces interesantes, escribindo comentarios ás entradas (debaixo de cada título veredes o número de comentarios que ten a entrada, e facendo clic nese número podedes escribir o voso comentario) ou de calqueira xeito que se vos ocurra. E se queredes colaborar con máis compromiso ou asiduidade, benvidos sodes!
O resto das seccións do blog (Para aprender, Prensa, E-books, Leria, Ruxe-Ruxe...) falan por si mesmas ou teñen unha descrición na propia páxina. Con elas terás acceso a toda a prensa nacional e internacional, un buscador educativo personalizado, os boletíns da biblioteca, a revista do cole, etc.

Na columna da dereita do blog temos varias cousas interesantes e que cambian segundo esteamos na sección xeral, na de familias ou na de profes:

  • O noso catálogo: aquí teredes acceso á biblioteca virtual do cole para poder consultar que libros temos catalogados (aínda que polo momento só catalogamos dixitalmente unha parte da colección), buscalos por temas, autores, idiomas ou soportes (libro, CD, DVD...), ver as últimas novidades e os libros máis emprestados, comprobar se están dispoñibles, etc. Pero sobre todo tedes información ampliada sobre cada libro: un resumo, entrevistas cos autores (nalgúns casos), enlaces a webs... e tamén podedes ler e escribir opinións sobre os libros. Mirade este exemplo e entenderedes do que estamos a dicir.
  • Enlaces: hai varios tipos de enlaces nesa columna. Algúns están representados por unha imaxe (O Tiramilla, a Biblioteca Municipal do Porriño, SOL, etc.); outros están en listas (Lendo na WWW) e sempre atoparedes as últimas entradas dos nosos favoritos no apartado de Novidades na rede.
  • Outros: tedes outras utilidades (dicionarios, o tempo, refráns, a foto do día, subscrición ás entradas...) que pensamos que non necesitan explicación, pero se hai algo que non estea ben ou que pensedes que sobra ou falta, somos todo orellas para vós.

A biblioteca 




A nosa biblioteca abre todos os recreos, e os luns, mércores. xoves e venres de 16.00 a 17.00.

As normas son poucas e sinxelas, e están baseadas no respecto ós demais lectores:
1. Bebe e come fóra da biblioteca
2. Respecta o material e as instalacións
3. Garda silencio
4. Respecta os prazos de devolución (outras persoas agardan polo teu libro)


Esta é a nosa guía de uso:



E aquí tes as normas para o uso dos ordenadores:





Non esquezas que o profesorado e o alumnado axudante están para resolver as dúbidas e botar unha man.