O blog da biblioteca do CPI da Ribeira

O carro

O carro
Non canta na Chá ninguén,
por eso, meu carro canta,
canta o seu eixo tan ben
que a señardade me espanta.

Non hai canto tan fermoso:
fino coma un asubío,
anque é, as vegadas, saudoso
faise no ar rechouchío.

O meu carro é cerna dura:
sábese carballo e freixo.
¡Qué fermosa e a sua feitura!
iQué lixereza a do eixo!

As cousas vanse aledando
por onde meu carro pasa.
¡Carrétame herba pro gando!
¡Traime a colleita pra casa!

                  Manuel María



Letra: Manuel María
Música: Baldomero Iglesias "Mero"
Adaptación: Uxía/Sérgio Tannus
Músicos:
Sérgio Tannus: guitarra española
Serginho Sales: acordeón
Uxía: voz e coros

Ningún comentario: