O blog da biblioteca do CPI da Ribeira

A poesía non é unha bomba...

A POESÍA NON É UNHA BOMBA...
de chumbo que estoupe nas túas mans.
Non me gustan os poemas rimbombantes.
A poesía non é o traxe de noite dos presumidos
que visten para parecer máis elegantes.
Non me gustan os poemas pretensiosos.
A poesía non é unha arañeira de palabras
pensada para esgotarte e adormecerte.
Non me gustan os poemas aburridos.
A poesía é o que ti queiras.
A poesía é o que desexas.
A poesía é liberdade.
Non me gustan os poemas rimbombantes,
pretensiosos, aburridos.
Non me gustan.
Non me gustan.

Fran Alonso. O meu gato é un poeta. Vigo: Xerais, 2011.

Ningún comentario: