O blog da biblioteca do CPI da Ribeira

Benvido 2016 !

Dámoslle a benvida ao novo ano que vén cargado de efemérides e celebracións.
Xa sabedes que este ano o día das Letras Galegas estará adicado ao poeta Manuel María, autor dunha extensa obra e persoa comprometida coa nosa lingua.


Real Academia Galega
 Non esquezades que premendo na foto de Manuel María (na cabeceira do blog) podedes coñecer máis a fondo a vida e obra deste escritor dende a Casa Museo Manuel María.


Este ano celébranse tamén os 100 anos do nacemento das Irmandades da Fala. Ademais o escritor padronés Camilo José Cela cumpriría 100 anos no 2016 e hai xa 150 anos do nacemento  doutro famoso escritor galego, Valle Inclán.

Curiosamente o 2016 é tamén o ano do cuarto centenario do pasamento de dous dos xenios máis grandes das letras universais, Miguel de Cervantes e William Shakespeare, que morreron o 23 de abril de 1616. Na súa honra, o 23 de abril de cada ano celébrase o "Día Internacional do Libro".
 







Ningún comentario: