Día do Pobo Xitano 2017

Este mes celebramos no noso centro o día do Pobo Xitano. 

O alumnado e tamén as súas familias prepararon unha exposición sobre a súa cultura con traxes, cachabas, bisutería, fotos...

Tamén realizaron unha actuación especial para todos.  Contáronnos a orixe dos xitanos, as súas costumes, os seus ritos... recitaron poesía e houbo dúas participacións musicais: un instrumental con guitarras, caixón e palmas e un baile xitano.

Foi un día especial no que ademáis recibimos a visita da alcaldesa de O Porriño, a concelleira de Educación, as asistentas sociais...

Noraboa a todos!

Fai clic na seguinte imaxe para poder ver e descargar o resto das fotos:

23 de abril, Día do Libro

    

A expresión dun pobo radica na palabra. Ela rebela ás súas xentes e aos demais a súa bondade, a riqueza material e inmaterial, as costumes, a historia e os seus segredos agochados, a súa beleza, a loita diaria das xentes, a súa lírica, a súa creación, a investigación, a fantasía, a realidade e o surrealismo, o seu pasado, o presente e o futuro, as crenzas e o imposible, todo isto e máis compoñen un universo escrito con proxección mundial gracias as novas tecnoloxías que permiten a calquera tipo de expresión chegar en segundos a todos os recunchos. Este despertador de inquietudes que é o libro hoxe non ten barreiras. Todos podemos chegar a todos, basta ter algo que comunicar desde a propia identidade, desde a verdade de cada quen, só así será universal, e sexa cal sexa o seu soporte, chegará lonxe.

Boletín Leria Primavera 2017

   Aquí vos deixamos o boletín Leria de Secundaria para esta primavera con ideas e recomendacións de lecturas para estes días de lecer.

    Animádevos a ler e felices vacacións!

100 anos de TBO

    

    

   

  En marzo de 2017 se cumplen cen anos da aparición de TBO, a revista de historietas que deu nome aos tebeos. Nela colaboraron algúns dos máis destacados ilustradores e historietistas do país, e nas súas páxinas publicáronse series tan populares e emblemáticas como "Los grandes inventos de TBO" ou "La familia Ulises". 

   

    Aproveitando o centenario da súa aparición, este libro pretende ser unha homenaxe tan sentida como merecida. Nel repásase a súa historia, os seus autores de referencia, as series máis coñecidas, e todo cheo de anécdotas e información exhaustiva. En definitiva, este é o gran libro que se merece esa parte importante do noso legado histórico e cultural que é a revista TBO.

PREME NA IMAXE SE QUERES SABER MÁIS

Primavera das letras

    Un ano máis presentouse a Primavera das Letras, a web na que a Real Academia Galega achega recursos sobre o autor homenaxeado en cada Día das Letras Galegas. Con Carlos Casares como protagonista, o novo espazo na rede inclúe unha biografía do escritor, unidades didácticas para diferentes idades sobre o seu traballo ou unha listaxe de recursos na rede.

Preme na imaxe para acceder á web.

    Non esquezades que premendo na imaxe "Letras galegas 2017" na cabeceira deste blogue podedes acceder á web da Fundación Carlos Casares onde tamén atoparedes información e actividades.

Poesía visual na "biblio"

     Os nenos e nenas do cole participan no obradoiro de poesía visual "Proxecto Caligrama 2000" que o poeta e educador David Fernández Rivera está a impartir nestas datas en varios centros de O Porriño.

    O alumnado aprende con el a descubrir o mundo da poesía dende unha perspectiva novedosa interactuando cos seus compañeiros e poñendo en valor os seus propios sentimentos.

   
    Agradecémoslle que sexa quen de espertar a imaxinación e o gusto pola poesía nos nosos cativos.

DÍA MUNDIAL DA POESÍA

"A poesía é unha fiestra á diversidade excepcional da humanidade"

Irina Bokova (Directora xeral da UNESCO)

    Instituído pola UNESCO no ano 1999 en París, o Día Mundial da Poesía celébrase hoxe, 21 de marzo.

    A celebración deste día pretende recoñecer a arte poética como símbolo da creatividade dos seres humáns que, a través das verbas, pretenden mellorar o noso mundo e as nosas vidas.

    En palabras de Javier Vilchez, "A poesía é unha viaxe: non unha viaxe fóra da realidade, senón ao máis íntimo das emocións, as reivindicacións e as esperanzas das persoas. A poesía da forma aos soños dos pobos e ás expresións máis altas da súa espiritualidade. A poesía da tamén valor para cambiar o mundo."

Preme na imaxe para ver a mensaxe da directora xeral da UNESCO

XVIII Salón do Libro: "O mundo que queremos"

    Do 10 de marzo ao 2 de abril, no Pazo da Cultura de Pontevedra, terá lugar o SALÓN DO LIBRO INFANTIL E XUVENIL, no que colexios de toda a comunidade participarán activamente.

    Están programadas máis de 300 actividades entre as

que se inclúen obradoiros de distinto tipo, obras de teatro, concertos de percusión con instrumentos feitos con materiais reciclables, películas, cursos e charlas.

    Preme na imaxe para ver ou descargar o programa.

8 de marzo - Día internacional da muller

    Chega un novo 8 de marzo e dende aquí desexamos lembrar a idea da importancia da igualdade entre mulleres e homes, entre nenos e nenas.

    Eliminar todo o que implique discriminación ou violencia contra as mulleres debería ser obxectivo prioritario para toda persoa que se precie de selo.

    Conseguir unha sociedade mellor é cousa de todas e todos e pasa por acadar unha verdadeira igualdade de trato e de oportunidades.

Preme aquí para visitar a páxina da UNESCO

Éxito da xornada de portas abertas

    A xornada de portas abertas celebrada na nosa biblioteca o día 22 de febreiro tivo unha moi boa acollida por parte dos pais e nais da nosa comunidade educativa que, en moitos casos, acudiron acompañados dos seus fillos cos que disfrutaron da lectura e mesmo levaron exemplares para ler nas súas casas.

    Animámolos dende aquí a que sigan vindo e participen dos nosos fondos bibliográficos.

Homenaxe a Rosalía

    O xoves 23 de febreiro celebraremos o 180º aniversario do nacemento de Rosalía de Castro (24 de febreiro de 1837).

    Para homenaxear á nosa máis insigne escritora teremos unhas visitas moi especiais: alumnado do IES Ribeira do Louro e exalumnos do noso centro virán á nosa biblioteca a recitar poemas de Rosalía.

    Seguro que todos imos disfrutar dun bo rato.

 

Preme na imaxe se queres ver outras maneiras de celebrar esta efeméride.                                                                                       

Xornada de portas abertas na biblioteca

    Mañán, mércores 22 de febreiro, a nosa biblioteca estará aberta de 16:00 h. a 18:00 h. para todos os que queirades vir visitala e coñecela.

    Haberá diferentes exposicións de libros relacionados con distintas temáticas (fotografía, turismo, cociña, educación...) que poden resultar moi interesantes para todos os pais, nais e visitantes que vos acheguedes ata aquí.

ANIMÁDEVOS!

 

         

Lembrade tamén que a biblioteca está a adquirir bastantes libros relacionados co noso proxecto de centro deste ano "Turismo e fotografía" e que están á vosa disposición.

Guía de lectura Antonio Palacios

A Biblioteca de O Porriño edita a primeira guía de lectura sobre o arquitecto Antonio Palacios.

Preme na imaxe para ler a noticia do Faro de Vigo.

Un can na nosa biblio!

    O xoves, 16 de febreiro, Cristina Diz, adestradora de cans, faloulles aos nenos sobre a linguaxe canina,  sobre como debe ser o  comportamento das persoas cara aos animais, como actúa un can de asistencia e como traballa un can guía.

Os pequenos estiveron moi atentos a todas as explicacións da educadora e mesmo participaron activamente na actividade.

Charla coloquio de exparlamentarios galegos

    A nosa biblioteca recibiu a visita de varios exparlamentarios galegos e o Faro de Vigo fíxose eco da noticia que podedes ler  

AQUÍ