RADIO NA BIBLIO.

  A ESTANCIA DA RADIO ESTÁ A PIQUES DE SER REMATADA!

Despois de varios meses esperando podemos dicir que case rematamos de habilitar o espazo para a radio!

ACTIVIDADE FINAL.

 E REMATAMOS... CUN MERCADILLO SOLIDARIO!

A biblioteca remata a súa proposta anual de actividades organizando un mercadillo solidario de intercambio de libros que o alumnado queira desfacerse a cambio doutros ofrecidos pola propia bilbioteca. Ademais todo o alumando de todas as clases puido levarse de agasallo un libro para ler nas vacacións de verán. Así, durante a semana do 10 ao 14 de xuño todas as clases pasaron pola biblioteca para intercambiar/ recoller libros. Grazas Ribedino pola túa xenerosidade!!!

REVISTA RUXE RUXE.

A NOSA REVISTA "RUXE, RUXE" XA CHEGOU!

Desde o equipo de Dinamización de Lingua Galega tense elaborado a revista escolar na que se resume todo o realizado ao longo deste curso escolar para que toda a comunidade educativa poida ver canto traballamos no cole!!

BOLETÍN LERIA.

LECTURAS RECOMENDADAS PARA VERÁN!

Para rematar o curso, deixámosvos unha selección de lecturas recomendadas para o verán no boletín trimestral Leria. Esperamos que o desfrutedes; lembra que "Se queres aventura, lánzate á lectura!"

BIBLIOTECA CREATIVA.

 A MALETA CREATIVA REMATA A SÚA ANDAINA!

A maleta de biblioteca creativa leva rulando polas aulas ao longo do ano e coa fin de curso remata a súa circulación. Así temos a continuación as últimas instantáneas do seu uso este curso a mans do alumnado de 4º de Ed. Primaria...

LECTURA E FAMILIAS.

 RIBEGRAMAS EN FAMILIA!

Como última actividade escrita do programa Lectura e Familias, o alumnado e as familias teñen composto caligramas. Teñen saído verdadeiras xoias como podedes ver a continuación...

CLUB DE LECTURA.

ÚLTIMA SESIÓN DE CLUB DE LECTURA!

O pasado martes 4 de xuño o grupo de 5º de Primaria realizou unha sesión final especial de club de lectura con comida incluída para valorar o libro que estiveran lendo de "Emie es invisible", así como expuxéronse uns aos outros a actividade de expresión escrita relacionada co que fixeran. Que ben o pasamos!

LECTURA E FAMILIAS.

UNHA GALA DE MAXIA COAS FAMILIAS MOI AGRADABLE!

Para rematar o programa de Lectura e Familias deste curso, temos promovido unha sesión de maxia para alumnado e familias co mago Samuel Moreno. Unha xornada que estivo chea de trucos de maxia, interaccións co público e moitas risas. Así, pódese afirmar que o temos pasado moi ben como podedes comprobar...

BIBLIOTECA CREATIVA.

CONTACONTOS E OBRADOIRO DE CARTÓN!

O pasado mércores 22 de maio, Ton Arenas realizou no cole unha xornada dobre de contacontos e obradoiro. Así, o alumnado puido ver un contactacontos con títeres e logo explicou como facer manualidades con cartón que logo cada clase fixo cos seus titores. Que divertido foi!

Aquí tendes unha mostra...

LECTURA E FAMILIAS.

 O CONTACONTOS MÁIS DIVERTIDO!

O pasado martes, 21 de maio, organizamos un contacontos para familias e alumnado, a cargo de Tarabelos. Foi todo moi ben. Rímonos e divertímonos moito!

Aquí tendes unha mostra...

LECTURA E FAMILIAS.

 AS RIBEPORTADAS SON TODO UN ÉXITO!

O alumnado de Ed. Infantil e Primaria xa ten expostas as Ribeportadas nos corredores do cole. Quedaron ben bonitas! Aquí tendes unha mostra...

DÍA DAS LETRAS GALEGAS.

 UNHA SCAPE ROOM SOBRE LUISA VILLALTA...

Por iniciativa do equipo de Dinamización da Lingua Galega, tense creado un Scape Room adaptado a todos os curso e idades para conmemorar e coñecer a esta escritora galega. Temos que axudar a Luísa Villalta para montar a casiña duns animais fantásticos para unha das súas historias. Pero as pezas da casiña están dentro dunhas caixas pechadas con candados. O alumnado das diferentes clases tivo que superar una serie de probas para conseguir as chaves e os códigos dos candados. Superar as probas daba acceso a un premio: un ticket para poder acceder a unha comilona de productos galegos!

          

• Aula de 3 anos:

• Aula de 4 anos:

• Aula de 5 anos:

• Aula de 1º de Primaria:
  

• Aula de 2º de Primaria:

• Aula de 3º de Primaria:

• Aula de 4º de Primaria:

• Aula de 5º de Primaria:

• Aula de 6º de Primaria:

III XUNTANZA LITERARIA.

COMPARTINDO MOMENTOS LITERARIOS INESQUECIBLES!

Hoxe, venres 10 de maio,  por terceiro ano consecutivo, temos celebrado a III Xuntanza Literaria, na que membros de 12 centros de O Porriño téñense xuntado no Parque Alba de Torneiros para afianzar lazos a través da literatura, lendo moitísimos contos! Ademais tamén disfrutamos da actuación de Xoán Curiel. Que mellor forma de aprender e disfrutar en grupo que xuntándonos para lernos uns aos outros no medio da natureza?
Grazas a todos os centros que participáchedes. Pasámolo moi ben!
Aquí vos deixamos unha mostra...

CLUB DE LECTURA.

UNHA MALETA DE MARIONETAS!

Hoxe temos posto a disposición do profesorado do centro unha marioneta chea de marionetas para que as clases que participan no programa Club de lectura poidan empregala cando o desexen para desenvolver as súas actividades!

SEMANA DO LIBRO.

 UN KAMISHIBAI CON LUZ NEGRA PARA REMATAR!

O alumnado de 2º ten preparado un kamishibai para luz negra sobre O monstro de cores. Ademais bailaron a canción do monstro  e mesmo teñen organizado unha pequena festa! Que maneira máis chula de pechar a Semana do Libro!

RADIO NA BIBLIO.

CONTINUAMOS GRABANDO PROGRAMAS: O AMOR!

A Riberadio segue funcionando a toda máquina, así o alumnado de sextoten grabado un podcast sobre o amor, no que lle preguntaron a usuari@s do centro de día.

SEMANA DO LIBRO.

FAMILIAS LECTORAS!

Con motivo da celebración da Semana do Libro o centro ten invitado a que sexan as familias as que veñan ler ás diferentes clases. Que ben o estamos pasando. GRAZAS por ter vido!

Aquí tendes una mostra...

Nai de Edurne (4 anos) e Dylan (1º primaria):

Nai de Yara (3 anos):

Nais de Gael e de Estela (5 anos):

 

Pai de Enrique e nai de Manu (1º de ed. Primaria): 

 Nais de Noa e Teo (2º de Primaria):

Nai de Iria e Enma (4º de Primaria):

DÍA MUNDIAL DA SAÚDE

COMIDA SAUDABLE E CREATIVIDADE!

Derivado da conmemoración do Día Mundial da Saúde que se celebrou o pasado 7 de abril, as semanas do 8 ao 19 de abril decidíronse organizar obradoiros de cociña saudable para as diferentes clase do cole. Así, durante estas dúas semanas cada curso elaborou receitas saudables: tortitas, brochetas de froita...

Aquí tendes unha pequena mostra das delicias saudables que preparamos...