FESTA DE ENTROIDO.

O RIBECIRCO ESTREA A SÚA FUNCIÓN de Entroido!

Un ano máis celebramos o Entroido por todo o alto. A chuvia non foi un impedimento. Aquí tendes unha mostra...

Aquí deixamos un vídeo da xornada:

O ENTROIDO CHEGA AO COLE...

 O RIBEMECO E OS SEUS MANDATOS...

Como todos os anos O RibeMeco dita os seus mandatos. A semana promete ser moi interesante!

DÍA ESCOLAR DA NON VIOLENCIA E DA PAZ.

CELEBRANDO A PAZ CUN CONCERTO INMMELLORABLE!

Con motivo da conmemoración do dia Escolar da Non Violencia e da Paz realizouse un concerto no colexio onde o grupo Gospel Little ensinounos a importanica de vivir nun contexto de paz co conto "El viaje de Jasir". Aquí tendes unha mostra do ben que o pasamos!

XORNADAS DE PORTAS ABERTAS.

COMEZA A XORNADA DE PORTAS ABERTAS! ESPERÁMOSVOS!

(Para máis información pinchade na imaxe)

RENOVACIÓN DO BLOG.

 ACTUALIZÁMONOS!

Despois dun período de renovación, presentamos o blog da biblioteca totalmente actualizado, onde se amosarán todas as novidades da Ribebiblio! Non volo perdades!

RADIO NA BIBLIO.

O ESPAZO DA RADIO VAI COLLENDO FORMA!

Tralo período de Nadal, seguimos avanzando na habilitación do espazo da radio. Así, continuamos coa insonoriación do espazo da radio, así como temos entarimado o chan, para facer da estancia un lugar agradable onde poder traballar. 

MALETAS VIAXEIRAS DO CFR DE VIGO.

A BANDA DESEÑADA CHEGOU AO COLE!

Este curso, con motivo de que desde a Asesoría de bibliotecas se promove este curso, temos solicitado ao Centro de Formación e Recursos de Vigo dúas maletas viaxeiras sobre "Banda deseñada" que chegaron hoxe ao centro!!! Así, unha vai rular polas aulas de Educación Infantil e outra polas aulas de Educación Primaria ata o próximo 15 de febreiro. Que ben o imos pasar!

BIBLIOTECA CREATIVA II.

VOLVEMOS DAS VACACIÓNS E A MALETA DE BIBLIO CREATIVA SEGUE RULANDO!

Desde que se puxo en marcha a maleta con material de biblioteca creativa non ten parado de pasar polas diferentes aulas do cole. Así, ten abraiado ao alumnado co seu interesante contido, e tenlles ofrecido momentos de  aprendizaxe moi lúdico. Comeza o seu paso polo terceiro ciclo de Educación Primaria!
Porén, ofrecemos un pequeno recordo do paso exitoso pola aula de 5º de Educación Infantil...

TRÍPTICO LERIA.

BOLETÍN DE LECTURAS RECOMENDADAS PARA NADAL

Como todos os anos propoñemos unha serie de lecturas recomendadas no tradicional boletín "Leria" que vos temos entregado coas notas do primeiro trimestre. Esperamos que vos sexa útil. Desde a biblio desexámosvos BOAS FESTAS!

PUBLICACIÓN INSTAGRAM "BICOS DE PAPEL".

 UN GRAN RECOÑECEMENTO...

Derivado da doazón que fixemos a partires de todas as achegas que fixeron as familias do alumnado do centro para a Organización "Bicos de papel" de Vigo con motivo do Día Universal da Infancia, o pasado 20 de Novembro, téñennos recoñecido no seu Instagram. Velaquí a publicación que nos teñen dedicado:

Esperamos ter axudado con todas as achegas realizadas! Unha gra obra realizada por unha gran comunidade educativa!

VISITA DE PAPÁ NOEL.

PAPÁ NOEL VEN AO COLE...

Como cara dano, este mércores 20 de decembro, tivemos o pracer de contar coa presenza de Papá Noel, a pesares do ocupado que está nestas datas tan sinaladas. Así, cada nen@ desde 3 anos ata segundo de primaria entegou as súas cartas ás axudantes de Papá Noel. Aquí tendes unha mostra...

CLUB DE LECTURA

CLUB DE LECTURA...PESCUDA DO TESOURO.

Derivado do feito de que a desde a biblioteca promóvese o desenvolvemento do programa "Club de lectura", a aula de 5 anos ten realizado unha actividade moi divertida que consistiu nunha pescuda do tesouro, derivado do traballo co libro "LEotolda". Velaquí algunhas fotos...

10D: DÍA DA DECLARACIÓN UNIVERSAL DOS DEREITOS HUMANOS.

DE DEREITOS E BANDEIROLAS VAI A COUSA...

Con motivo da Declaración Universal dos Dereitos Humanos, temos representado en colaboración con todas as aulas os 30 dereitos humanos en  banderíns que temos colgado na entrada do colexio, complementando a manualidade feita para 0 20 de Novembro. Así foi o resultado...

3D: DÍA INTERNACIONAL DA DISCAPACIDADE.

 UNHA XORNADA DE RELEXIÓN... UNS CALCETÍNS DISPARES...

O 3 de decembro conmemoramos unha conmemoración moi especial na que tratamos de reflexionar nas nosas horas de ler do luns 4 e do martes 5 sobre a discapacidade e o mundo no que vivimos, a través dun vídeo elaborado polos nen@ e para os nen@s. Igualmente, o citado luns témonos posto os calcetíns desemparellados, coa fin de concienciar acerca da importancia da igualdade de tod@s por moi diferentes que sexamos. 

Aquí podedes velo...

E o vídeo...

25N: DÍA INTERNACIONAL CONTRA A VIOLENCIA DE XÉNERO.

CONTACONTOS, VÍDEOS REFLEXIVOS, MURAIS E MOITO MÁIS...

A conmemoración do 25 de novembro é de grande relevancia nos nosos días e como consecuencia diso temos realizado desde unha xornada de contacontos ao longo de toda a mañá para os diferentes cursos onde se falou sobre as desigualdades entre homes e mulleres, elaboramos un mural con palabras clave desta conmemoración, e mesmo creamos un vídeo para facer reflexionar sobre a importancia da igualdade de xénero... Ten sido unha xornada moi interesante...

20 N: DÍA UNIVERSAL DA INFANCIA.

CELEBRAMOS O 20 N con múltiples actividades...

O Día Universal da Infancia celebrámolo por todo o alto decorando estreliñas cos dereitos da infancia, cunha carreira solidaria e mesmo facendo donativos á organización "bicos de papel" de Vigo para axudar a nenos e nenas con graves problemas de saúde. Un día inolvidable!

Vídeo da Xornada...

BIBLIOTECA CREATIVA I.

A MALETA DE BIBLIOTECA CREATIVA É TODO UN ÉXITO!

Desde hai unhas semanas, tense posto en funcionamento unha maleta con recursos de biblioteca creativa por todas as aulas do colexio, e está tendo un fantástico recibimento entre os nenos e nenas! Xa ten pasado polas aulas de 3 anos, de 5 anos, de 1º e 2º de Primaria. Aquí tendes unha mostra...

CLUB DE LECTURA.

OS clubes de lectura FUNCIONAN A TODA MÁQUINA!

Un curso máis seguimos promocionando e formando clubes de lectura e nas diferentes aulas, como en 2º e 4º de Educación Primaria, xa están postos en marcha. Que divertido é ler!

FORMACIÓN DE USUARI@S.

REMATAMOS A FORMACIÓN DE USUARI@S...

Hoxe, 2 de novembro, rematamos a formación de usuari@s de todos o alumnado do centro, 
Ao longo de todo o mes de outubro, as diferentes clases teñen baixado á biblioteca do cole para aprender ou recordar cales son as normas da biblioteca, así como afondar na súa organización e funcionamento.
Xa temos un alumnado experto na nosa biblioteca!

MALETA DE BIBLIOTECA CREATIVA.

 FOMENTANDO O USO DOS RECURSOS DE BIBLIO CREATIVA!

A partir do luns 23 de outubro póñense en circulación polas aulas unha maleta con materiais e xogos de biblioteca creativa, para que as diferentes titorías poidan desfrutar nas propias aulas da multiplicidade de posibilidades e recursos que esta ofrece a nosa biblio. Esperamos que a desfrutedes!

DÍA DAS BIBLIOTECAS ESCOLARES.

 VISITA DISTINGUIDA...

Tal e como estaba previsto, hoxe veunos visitar a doutora-escritora Sonia Blanco Sío, quen nos contou o seu conto "A pedra Vermella", baseado nunha experiencia persoal. A propia autora ten publicado no seu propio Facebook o seu paso polo CEIPP da Ribeira.

Grazas Sonia por ter vido ao noso cole!

"RIBECIRCO"

 NOVO CURSO ESCOLAR!

Comezamos outro curso e como cada ano a biblioteca do cole abre as súas portas, e para informar da súa apertura, que mellor forma hai que RIBEDINO visitando as aulas do centro!