DÍA DAS BIBLIOTECAS ESCOLARES.

 VISITA DISTINGUIDA...

Tal e como estaba previsto, hoxe veunos visitar a doutora-escritora Sonia Blanco Sío, quen nos contou o seu conto "A pedra Vermella", baseado nunha experiencia persoal. A propia autora ten publicado no seu propio Facebook o seu paso polo CEIPP da Ribeira.

Grazas Sonia por ter vido ao noso cole!

"RIBECIRCO"

 NOVO CURSO ESCOLAR!

Comezamos outro curso e como cada ano a biblioteca do cole abre as súas portas, e para informar da súa apertura, que mellor forma hai que RIBEDINO visitando as aulas do centro!

BOLETÍN LERIA DE VERÁN.

 BO VERÁN!!!

Para rematar o curso cheo de aprendizaxes, propoñemos o noso tríptico de lecturas recomendadas para o verán.

 DESCARGAR BOLETÍN AQUÍ

Desde o equipo de biblioteca, os nosos mellores desexos de que teñades boas vacacións!

REMATAMOS CUN MERCADILLO GRATUITO!

UNHA OPORTUNIDADE PARA LER EN VERÁN!

Estamos a punto de rematar este curso e para fomentar que o noso alumnado lea no periodo estival, temos posto en marcha un mercadillo gratuito, no que cada alumno/a poderá levar ata tres libros da biblioteca á casa de regalo para lelos no verán. Polo que temos visto xa, a participación e o entusiasmo foron moi elevados!

ENQUISAS DE FINAL DE CURSO.

XA NON QUEDA NADA...

Estamos rematando o curso e como cada ano solicitamos a colaboración de alumnado e familias para poder seguir mellorando. Temos avanzado moito ao longo deste curso pero debemos seguir avanzando. É por iso que vos pedimos que se podedes cubrades a enquisa para familias que se vos propón na marxe dereita.

É algo breve e sinxelo de cubri pero que nos pode axudar moito a seguir avanzando.  

Agardamos a vosa participación! 

OBRADOIRO DE LECTURA E FAMILIAS.

Unha tarde de alumnado, familias e lectura!

Hoxe luns 15 de maio, organizamos na biblioteca un obradoiro para alumnado e familias, onde Patricia García, mestra e pedagoga, realizou un contacontos con actividades interactivas para o público presente. Esta iniciativa estivo enmarcada dentro do programa Lectura e Familias.

Agradecemos a todos os participantes a súa asistencia. Qué ben o pasamos!

DÍA INTERNACIONAL DO LIBRO.

 FELIZ SEMANA!!!

Ao longo desta semana en Ed. Infantil téñense organizado apadriñamentos lectores co alumnado de 5º e 6º de Ed. Primaria, e de igual xeito de 1º a 6º de Primaria realizáronse lecturas cruzadas entre ditos cursos. Que ben o pasamos!! Que divertido é ler!

Aquí tendes unha montaxe final con todo o realizado!

VÍDEO

II XUNTANZA LITERARIA.

VIVA A LECTURA!

Hoxe 21 de abril, preto de 400 alumnos/as teñen celebrado a II Xuntanza Literaria no parque Alba do polígono de Torneiros. Participamos 10 centros e houbo moito ánimo por parte do alumnado, así como moita colaboración entre todos os coordinadores das Bibliotecas. Que ben o pasamos!!

Agradecemos o patrocinio desde o Concello de O Porriño, así como a visita do Sr. alcalde durante a propia xuntanza.

                      VÍDEO DA XORNADA

CLUB DE LETURA DE 5º E 6º.

POSTA EN MARCHA DO CLUB DE LECTURA!

O alumnado de 5º e 6º ten posto en marcha o seu club de lectura coa elaboración da elaboración do conto de "O monstro de colores" para kamishibai. Unha vez que o tiveron elaborado foron expoñelo aos cursos de Ed. Infantil e de 1º e 2º de Ed. Primaria. Que ben o pasaron!

BOLETÍN LERIA.

 LECTURAS DE PRIMAVERA!

Con motivo das vacacións de Semana Santa, publicamos o noso tríptico de lecturas recomendadas para esta primavera. Esperamos que o desfrutedes!

 

DESCARGA AQUÍ O TRÍPTICO

ENCONTROS DE CENTROS DO PLAMBE EN SANTIAGO.

APOSTANDO POLA MELLORA DAS BIBLIOTECAS!

Hoxe, venres 31 de marzo, celebráronse as Xornadas PLAMBE no Palacio de Congresos e Exposicións de Santiago de Compostela. Ten sido un día moi enriquecedor, onde numerosos centros teñen compartido as súas experiencias relacionadas coas bibliotecas escolares. Canto temos avanzado, e á vez, canto debemos seguir avanzando!

DÍA INTERNACIONAL DA MULLER.

"A MULLER DA MIÑA VIDA" E "MULLERES GALEGAS DESTACADAS"

Con motivo da celebración do Día Internacional da Muller, o alumnado ten realizado unha proposta dobre relacionada con esta conmemoración. Así, traballamos por unha banda as mulleres máis importantes para a vida do alumnado do seu ambiente próximo, e por outra banda, tamén traballamos mulleres galegas que teñen destacado ao longo da historia. Este foi o resultado:

 

DÍA DE ROSALÍA DE CASTRO.

Celebramos o Día de Rosalía de Castro recitando poemas! Mestres e alumnado únense para homenaxear a esta gran escritora!

DÍA DE SAN VALENTÍN.

O AMIGO PERFECTO

Con motivo da celebración de San Valentín, no centro temos traballado co libro "El amigo perfecto", de Gabriela Keselman. O equipo de Dinamización de Lingua Galega ten realizado a súa traducción á lingua galega e coa colaboración de todas as titorías elaboramos un videoconto do libro. O día de San Valentín vimos a composición final. O resultado foi ben interesante!

RECURSOS DO CFR DE VIGO.

MALETAS VIAXEIRAS!!

Desde o CFR de Vigo cedéronnos por un mes dúas maletas viaxeiras cheas de coñecementos, con de temáticas ben interesantes: "Mirando ao ceo" e "Stem". Así, durante o mes de febreiro irán rulando por todas as aulas do cole para que o alumnado poida descubrir todo o coñecemento que elas lles pode ofrecer!!

UNHA BUFANDA POLA PAZ.

 XUNTOS POLA PAZ!

Con motivo da conmemoración do día da Paz e da NON Violencia, temos elaborada unha gran budanda, feita con moito cariño por todos os nenos! 

A idea partiu do libro titulado "Mi lado de la bufanda", un libro que non só entretén senón que tamén nos ensina.

Aquí tendes un vídeo da composición final:

LECTURA E FAMILIAS.

O RIBECONTO VIAXEIRO

Como parte do programa de Lectura e Familias do que forma parte a nosa biblioteca, temos posto en marcha un Ribeconto viaxeiro!

Así, cada clase ten unha libreta que vai viaxar polas casas do alumnado para que os propios nen@s, en colaboración coas súas familias, vaian compoñendo entre  tod@s, a súa historia. Deste modo, cada clase terá composto cadanseu relato ao final do trimestre. Vai ser moi divertido!

Desde a biblio agradecemos a tod@s a vosa participación.

BOLETÍN LERIA.

LECTURAS DE NADAL

Con motivo das vacacións de Nadal, publicamos o noso tríptico de lecturas recomendadas para estas vacacións. Esperamos que o desfrutedes!

DESCARGAR GUÍA DE NADAL

PAPÁ NOEL VISÍTANOS!

Este luns 19 de decembro tennos visitado Papá Noel na biblioteca do cole!!!

Tod@s os nen@s téñenlle entregado as cartas as súas cartas con todos os agasallos que lles gustaría recibir. Esperamos que poidas cumprir todos seus desexos!

Grazas por vir, Papá Noel!

CONTACONTOS CON PAKO PAKOLAS.

QUE BEN O PASAMOS!

O pasado mércores 7 de decembro recibimos na nos biblio nada máis e nada menos que a Pako Pakolas. Que mellor xeito de escoitar historias que con música, baile e máquinas do tempo!

vIDEO DA sesión de contacontos

BIBLIOTECA CREATIVA II: APRENDIZAXE BASEADO EN XOGOS!

Continuamos coas propostas de biblioteca creativa e Comezamos co recuncho de Xogos!!! 

Clica nos enlaces se tes curiosidade... Comeza a Aventura!

• Aventura para Ed. Infantil

• Aventura de 1º a 3º de Ed. Primaria

• Aventura de 4º a 6º de Ed. Primaria

25 N: DÍA INTERNACIONAL CONTRA A VIOLENCIA DE XÉNERO.

Con motivo da conmemoración do 25 de novembro, temos proposto diferentes actividades desde a biblioteca do cole. Así, propuxemos traballar durante as horas de ler da semana do 21 ao 25 de novembro co libro Violeta & Co cambian el mundo de Raquel Díaz Reguera. Aquí tendes o videoconto do libro para quen non o coñeza:

Despois de telo lido e analizado nas clases, déuselle a cada alumn@ unhas ás de bolboreta como as da protagonista do conto para que as decorasen e escribisen nelas mensaxes positivas en prol da eliminación da violencia de xénero. Finalmente, téñense colgado no hall do colexio. Con esta actividade tratouse de expresar a liberdade que deberían ter todas as mulleres fronte ás actitudes machistas. Así quedou:

Ademais, todos os membros do colexio teñen deixado a súa pegada nunha macrolúa que quedou colgada na entrada do centro. Con esta actividade tratouse de expresar unha mensaxe de agarimo, de paz, de convivencia e respecto cara ás mulleres, así como unha comparativa con querer a unha persoa ata a lúa ou tocar a lúa ou levar a alguén á lua. 

Este foi o resultado:

XORNADA DE BIBLIOTECAS ESCOLARES DE GALICIA.

O sábado 12 de novembro, tivo lugar no Palacio de Congresos e Exposicións de Santiago de Compostela a Xornada anual de bibliotecas escolares de Galicia, na que se expuxeron diferentes propostas e iniciativas para mellorar a calidade dos servizos que as bibliotecas escolares ofrecen nos centros educativos, e que de seguro revertirá no beneficio do alumnado. Vivan as bibliotecas escolares!!

BIBLIOTECA CREATIVA.

 ABRIMOS O RECUNCHO MÁIS INTERESANTE DA NOSA BIBLIO!

A partir do luns 7 de novembro ábrese o RECUNCHO CREATIVO da nosa biblio!!

Así, durante as dúas próximas semanas, poderedes desfrutar durante os recreos e nas horas asignadas a cada clase do RECUNCHO DE ESCORNABOTS.

Deixámosvos un enlace a un Genially coas datas. 

ESPERÁMOSVOS!!