22/12/22

LECTURAS DE NADAL

Con motivo das vacacións de Nadal, publicamos o noso tríptico de lecturas recomendadas para estas vacacións. Esperamos que o desfrutedes!

DESCARGAR GUÍA DE NADAL

19/12/22

PAPÁ NOEL VISÍTANOS!

Este luns 19 de decembro tennos visitado Papá Noel na biblioteca do cole!!!

Tod@s os nen@s téñenlle entregado as cartas as súas cartas con todos os agasallos que lles gustaría recibir. Esperamos que poidas cumprir todos seus desexos!

Grazas por vir, Papá Noel!

18/12/22

QUE BEN O PASAMOS!

O pasado mércores 7 de decembro recibimos na nos biblio nada máis e nada menos que a Pako Pakolas. Que mellor xeito de escoitar historias que con música, baile e máquinas do tempo!

vIDEO DA sesión de contacontos

01/12/22

BIBLIOTECA CREATIVA II: APRENDIZAXE BASEADO EN XOGOS!

Continuamos coas propostas de biblioteca creativa e Comezamos co recuncho de Xogos!!!

Clica nos enlaces se tes curiosidade... Comeza a Aventura!

Aventura para Ed. Infantil

Aventura de 1º a 3º de Ed. Primaria

Aventura de 4º a 6º de Ed. Primaria

25/11/22

25 N: DÍA INTERNACIONAL CONTRA A VIOLENCIA DE XÉNERO.

Con motivo da conmemoración do 25 de novembro, temos proposto diferentes actividades desde a biblioteca do cole. Así, propuxemos traballar durante as horas de ler da semana do 21 ao 25 de novembro co libro Violeta & Co cambian el mundo de Raquel Díaz Reguera. Aquí tendes o videoconto do libro para quen non o coñeza:

Despois de telo lido e analizado nas clases, déuselle a cada alumn@ unhas ás de bolboreta como as da protagonista do conto para que as decorasen e escribisen nelas mensaxes positivas en prol da eliminación da violencia de xénero. Finalmente, téñense colgado no hall do colexio. Con esta actividade tratouse de expresar a liberdade que deberían ter todas as mulleres fronte ás actitudes machistas. Así quedou:

Ademais, todos os membros do colexio teñen deixado a súa pegada nunha macrolúa que quedou colgada na entrada do centro. Con esta actividade tratouse de expresar unha mensaxe de agarimo, de paz, de convivencia e respecto cara ás mulleres, así como unha comparativa con querer a unha persoa ata a lúa ou tocar a lúa ou levar a alguén á lua.

Este foi o resultado:

13/11/22

XORNADA DE BIBLIOTECAS ESCOLARES DE GALICIA.

O sábado 12 de novembro, tivo lugar no Palacio de Congresos e Exposicións de Santiago de Compostela a Xornada anual de bibliotecas escolares de Galicia, na que se expuxeron diferentes propostas e iniciativas para mellorar a calidade dos servizos que as bibliotecas escolares ofrecen nos centros educativos, e que de seguro revertirá no beneficio do alumnado. Vivan as bibliotecas escolares!!

06/11/22

BIBLIOTECA CREATIVA.

ABRIMOS O RECUNCHO MÁIS INTERESANTE DA NOSA BIBLIO!

A partir do luns 7 de novembro ábrese o RECUNCHO CREATIVO da nosa biblio!!

Así, durante as dúas próximas semanas, poderedes desfrutar durante os recreos e nas horas asignadas a cada clase do RECUNCHO DE ESCORNABOTS.

Deixámosvos un enlace a un Genially coas datas.

ESPERÁMOSVOS!!

25/10/22

MOCHILAS VIAXEIRAS.

Hoxe entregamos ás diferentes titorías as mochilas viaxeiras para que poidades disfrutar aínda máis dos fondos da nosa biblioteca non só no cole, senón tamén en casa!

24/10/22

24 DE OUTUBRO, DÍA DAS BIBLIOTECAS ESCOLARES

VISITA DISTINGUIDA...

Tal e como estaba previsto, hoxe veunos visitar o ilustrador Benxamín Míguez Novoa, que nos contou á vez que debuxou uns contos moi divertidos e entretidos. Grazas por ter vido ao noso cole!

VÍDEO DA XORNADA

13/10/22

UNHA VISITA ESPECIAL.

NON O PODEDES PERDER!

Co motivo da celebración do día das bibliotecas escolares, viranos visitar alguén moi especial. Non volo podedes perder. RIBEDINO espéravos!

10/10/22

DECORAMOS A PORTA DA BIBLIOTECA.

A NOSA PORTA...

Con motivo da nova temática do proxecto do centro (RIBENAUTAS), invitamos ao alumnado a axudar a decorar a porta da biblioteca con pequenos extraterrestres. O resultado foi moi interesante.

Moitas grazas a todas as titorías pola vosa participación!

06/10/22

"RIBENAUTAS"

NOVO CURSO ESCOLAR!

Como cada curso a biblioteca do cole abre as súas portas, e para informar da súa apertura, que mellor forma hai que RIBEDINO visitando as aulas do centro...