XOGAMOS POLO SAMAÍN NA BIBLIOTECA!

O alumnado de quinto axudou a dirixir unha serie de xogos de Samaín na biblioteca. Estes xogos estiveron promovidos polo equipo de Dinamización da Lingua Galega, e foron realizados polos nenos e nenas de Ed. Infantil e 1º de Ed. Primaria. Isto formou parte dunha proposta de xogos aínda maior pormovida por dito equipo, que se complementaba con bailes no salón de actos e un obradoiro de maquillaxe no patio. O alumnado de 2º a 4º foi á aula de Polos Creativos para realizar xogos populares con temática do Samaín. Que ben o pasamos!

DÍA DAS BIBLIOTECAS ESCOLARES.

 UN TEATRO MOI GALEGO!

Con motivo do día das Bibliotecas Escolares, temos promovido un pequeno espectáculo relacionado co tema do proxecto do centro (que é Galicia Máxica), a mans dos mellores actores e actrices do noso colexio e, mesmo podemos dicir, de Galicia. Así, unha gandeira, dous pescadores e dúas peregrinas do camiño de Santiago explicáronlle a unha turista que acababa de chegar á nosa Terra o máis representativo e importante de Galicia. Fixemos así unha gran homenaxe á nosa terra da que debemos sentirnos orgullosos, xa que, como teñen dito diversas celebridades, “Somos galegos, non porque nacemos en Galicia, senón porque Galicia nace en nós”.
Esperamos que vos guste. 
FELIZ DÍA DAS BIBLIOTECAS ESCOLARES!

RADIO NA BIBLIO.

 FORMACIÓN DE RADIO!

O alumnado de 6º ten asistido, ao longo de toda mañá, a unha xornada de formación en Radio escolar a cargo de  DenÍs de Rede Espora. O alumnado ten recibido unha formación teórica inicial e despois realizaron unha actividade práctica no espazo da radio por turnos. Unha auténtica experiencia que ten convertido ao alumnado nuns expertos en radio escolar!

FORMACIÓN DE USUARI@S.

 O ALUMNADO RECORDA O FUNCIONAMENTO DA BIBLIO!

Desde a apertura da biblio o pasado 1 de outubro, o alumnado de todas as aulas ten pasado pola biblio para formarse no relativo ao funcionamento da biblioteca, que este curso ten integrado algunhas novidades como o recuncho de xogos ou os recreos dinamizados. Canto temos aprendido!                

           

RECREOS DINÁMICOS

 A RIBEBIBLIO IMPULSA XOGOS DE BIBLIOTECA CREATIVA

Dinamizamos a Biblioteca nos recreos! Usamos xogos de Rincón novo creado e materiais do programa "polos creativos" dentro da nosa maleta creativa!

"RIBETRASNO"

 COMEZAMOS UN NOVO CURSO ESCOLAR!

Comezamos outro curso e como cada ano a biblioteca do cole abre as súas portas, e para informar da súa apertura, que mellor forma hai que RIBEDINO visitando as aulas do centro!

RADIO NA BIBLIO.

 REMATAMOS A ESTANCIA ARA A NOSA RADIO!

Concluímos o curso coa habilitación definitiva para o espazo da Ribe-radio! A falta dun part de detalles, a nosa aula está lista para setembro! Levounos un pouco de tempo pero velaí está o restultado!

RADIO NA BIBLIO.

  A ESTANCIA DA RADIO ESTÁ A PIQUES DE SER REMATADA!

Despois de varios meses esperando podemos dicir que case rematamos de habilitar o espazo para a radio!

ACTIVIDADE FINAL.

 E REMATAMOS... CUN MERCADILLO SOLIDARIO!

A biblioteca remata a súa proposta anual de actividades organizando un mercadillo solidario de intercambio de libros que o alumnado queira desfacerse a cambio doutros ofrecidos pola propia bilbioteca. Ademais todo o alumando de todas as clases puido levarse de agasallo un libro para ler nas vacacións de verán. Así, durante a semana do 10 ao 14 de xuño todas as clases pasaron pola biblioteca para intercambiar/ recoller libros. Grazas Ribedino pola túa xenerosidade!!!

REVISTA RUXE RUXE.

A NOSA REVISTA "RUXE, RUXE" XA CHEGOU!

Desde o equipo de Dinamización de Lingua Galega tense elaborado a revista escolar na que se resume todo o realizado ao longo deste curso escolar para que toda a comunidade educativa poida ver canto traballamos no cole!!

BOLETÍN LERIA.

LECTURAS RECOMENDADAS PARA VERÁN!

Para rematar o curso, deixámosvos unha selección de lecturas recomendadas para o verán no boletín trimestral Leria. Esperamos que o desfrutedes; lembra que "Se queres aventura, lánzate á lectura!"

BIBLIOTECA CREATIVA.

 A MALETA CREATIVA REMATA A SÚA ANDAINA!

A maleta de biblioteca creativa leva rulando polas aulas ao longo do ano e coa fin de curso remata a súa circulación. Así temos a continuación as últimas instantáneas do seu uso este curso a mans do alumnado de 4º de Ed. Primaria...

LECTURA E FAMILIAS.

 RIBEGRAMAS EN FAMILIA!

Como última actividade escrita do programa Lectura e Familias, o alumnado e as familias teñen composto caligramas. Teñen saído verdadeiras xoias como podedes ver a continuación...

CLUB DE LECTURA.

ÚLTIMA SESIÓN DE CLUB DE LECTURA!

O pasado martes 4 de xuño o grupo de 5º de Primaria realizou unha sesión final especial de club de lectura con comida incluída para valorar o libro que estiveran lendo de "Emie es invisible", así como expuxéronse uns aos outros a actividade de expresión escrita relacionada co que fixeran. Que ben o pasamos!

LECTURA E FAMILIAS.

UNHA GALA DE MAXIA COAS FAMILIAS MOI AGRADABLE!

Para rematar o programa de Lectura e Familias deste curso, temos promovido unha sesión de maxia para alumnado e familias co mago Samuel Moreno. Unha xornada que estivo chea de trucos de maxia, interaccións co público e moitas risas. Así, pódese afirmar que o temos pasado moi ben como podedes comprobar...

BIBLIOTECA CREATIVA.

CONTACONTOS E OBRADOIRO DE CARTÓN!

O pasado mércores 22 de maio, Ton Arenas realizou no cole unha xornada dobre de contacontos e obradoiro. Así, o alumnado puido ver un contactacontos con títeres e logo explicou como facer manualidades con cartón que logo cada clase fixo cos seus titores. Que divertido foi!

Aquí tendes unha mostra...

LECTURA E FAMILIAS.

 O CONTACONTOS MÁIS DIVERTIDO!

O pasado martes, 21 de maio, organizamos un contacontos para familias e alumnado, a cargo de Tarabelos. Foi todo moi ben. Rímonos e divertímonos moito!

Aquí tendes unha mostra...

LECTURA E FAMILIAS.

 AS RIBEPORTADAS SON TODO UN ÉXITO!

O alumnado de Ed. Infantil e Primaria xa ten expostas as Ribeportadas nos corredores do cole. Quedaron ben bonitas! Aquí tendes unha mostra...

DÍA DAS LETRAS GALEGAS.

 UNHA SCAPE ROOM SOBRE LUISA VILLALTA...

Por iniciativa do equipo de Dinamización da Lingua Galega, tense creado un Scape Room adaptado a todos os curso e idades para conmemorar e coñecer a esta escritora galega. Temos que axudar a Luísa Villalta para montar a casiña duns animais fantásticos para unha das súas historias. Pero as pezas da casiña están dentro dunhas caixas pechadas con candados. O alumnado das diferentes clases tivo que superar una serie de probas para conseguir as chaves e os códigos dos candados. Superar as probas daba acceso a un premio: un ticket para poder acceder a unha comilona de productos galegos!

          

• Aula de 3 anos:

• Aula de 4 anos:

• Aula de 5 anos:

• Aula de 1º de Primaria:
  

• Aula de 2º de Primaria:

• Aula de 3º de Primaria:

• Aula de 4º de Primaria:

• Aula de 5º de Primaria:

• Aula de 6º de Primaria:

III XUNTANZA LITERARIA.

COMPARTINDO MOMENTOS LITERARIOS INESQUECIBLES!

Hoxe, venres 10 de maio,  por terceiro ano consecutivo, temos celebrado a III Xuntanza Literaria, na que membros de 12 centros de O Porriño téñense xuntado no Parque Alba de Torneiros para afianzar lazos a través da literatura, lendo moitísimos contos! Ademais tamén disfrutamos da actuación de Xoán Curiel. Que mellor forma de aprender e disfrutar en grupo que xuntándonos para lernos uns aos outros no medio da natureza?
Grazas a todos os centros que participáchedes. Pasámolo moi ben!
Aquí vos deixamos unha mostra...

CLUB DE LECTURA.

UNHA MALETA DE MARIONETAS!

Hoxe temos posto a disposición do profesorado do centro unha marioneta chea de marionetas para que as clases que participan no programa Club de lectura poidan empregala cando o desexen para desenvolver as súas actividades!